NDRINDRI'
Ndrindrì,
setti fìmmini p'un tarì
U tarì è stralucenti
setti fimmini p'un serpenti
U serpenti è senza cura
setti fimmini pi na mula
E la mula jetta càuci
setti fimmini pi na fàuci
E la fauci è senza pizzu
setti fìmmini p' un firrizzu
U firrizzu è scavigghiatu
setti fimmini p'un carratu
U carratu è chinu di vinu
setti fimmini p'un parrinu
U parrinu dici a missa
sette fimmini p'a matri batissa
A matri batissa frii l'ova
setti fimmini pi mastru Nicola
Mastru Nicola si ni iu a l'urtu
a cògghiri un finùcchiu
Truvàu un strunzu pilusu pilusu
e s’u mangia stu carusu
tarì, moneta del Regno delle Due Sicilie di scarso valore – cura, coda – càuci, calci – fàuci, falce –
firrizzu, sgabello (di ferula) – scavigghiatu, sconnesso
Anna, Sant'Anna
cu tessi e cu nganna
chista è la donna chi porta la banna
e la cruna di lu re
vacci tu Pu-li-ci-ne-dda
Chiovi, chiovi, chiovi,
la jatta fa li
provi
lu
sùrgiu si marita
cu na cùppula di
sita
Dumani è a
dumìnica
facimu a festa a
Mìnica
Mìnica nan c’è
la facimu allu re
Lu re è malatu
la facimu allu
surdatu
Lu surdatu fa la
guerra
Giusippina sutta
terra
(s’intona quando
ci si accinge a cercare di far suonare una “zampugnedda”)
Clocloclò,
sutta i casi di Marcerò
Si nan suni tanta bedda
iu ti scacc' a tignaredda
Cul’i cardedda, cul'i cardedda
facci a palla a vicchjaredda.
NDILINDILO’
Ndilindilò
murìu Pantò
si ni calàu
nan torna chiù
C'era
na vota un re
merda a
te, merda a te
Stu re
aviva na figghia
merda
pigghia, merda pigghia
Sta
figghia aviva un’urtu
merda
purtu, merda purtu
Na stu
urtu c'era un pe' r' lumìa
merda a
tìa, merda a tìa
Na stu
urtu c'era un pe' r'aranci
merda
mangi, merda mangi
Na stu
urtu c'era un pe' r' rusciulijddu
stuiàtivi
tutt’u mussijddu
(da recitare più volte, velocemente e senza fermarsi)